Kryengritja e verës së vitit 1912 nuk ishte kundër Perandorisë Osmane por kundër qeverisë së turqve të rinj. Kështu, në 30 qershor 1912, Kallmikovi telegrafonte:
“Shqiptarët dërguan memorandum në të cilën deklarojnë mbi besnikërinë e tyre Halifit dhe Atdheut Ottoman dhe thonë, se kanë marrë armët jo vetëm për të mbrojtur Shqipërinë, por edhe për interesat e gjithë Turqisë kundra qeverisë të Turqve të rinj, e cila e shpje Turqinë në shkatërrim dhe në zaptimin nga armiqtë dhe e cila qeveri shkel Kushtetutën dhe lirinë e zgjedhjeve Parlamentare.
Memorandumi është nënshkruar prej njizet krerëve të veriut, midis të cilëve janë Hasan Bej, Isa Buletini dhe Bajram Curri, vetëm mungon nënshkrimi i Ismail Qemalit”.
